Coument qu'o s'dit?

O vous manque in mot, ine aspression, in thieuquechouse? Faut zou d'mander, jh'irons zou quéri.

  • Deus nouvias mouts

    Dans ses écrivaaghes, Albertine s'at s'rvi de deus nouvias mouts:

    - Gamion Keurve- brulots, p'r les gamions de pompiers decont' les brulots d'fourets

    -Virono-lantarne, le girophare daus gamions de pompiers

    Vout' évit nous intérasse. A vous piumes!

  • Téléphone

    P'r thieu "téléphone" don jh'usons coume daus fous parduts, jh'avons mé d'ine v'rsions. Dan Tintin Charboun Apiloté, jh'teurvons bigophone, mé in thieuquin fazi r'marqué o adoume mé l'argot que l'sintongeais et propouse perdouillette, rappelant qu'o y -at dan thieu machine, anvec de l'imaghination deus ouillettes, donc ine paire.  Pas mal! Pivetea propouse b'rlinour, car thieu machine b'rline souvent.  Feite vout' choix.

  • Sondage

    In aut', on m'é v'nu coume thieu. Sondage: jh'en sons inondés, sutou avant les alections. p'r dan in achenau, jh'avons ine pigouille et jh'pigouillons  en daus foès jh'nous r'trevons l'thiu dan l'éve. Adon, "sondage", o s'ré-t-i pas in pigouillaghe? A vos piumes.

  • D"aut' mots p'r l'arantele

    Tant qu'jh'y sons, daus suggestions p'r E-mail (Courriel), site internet, spam, lien. Le Gueurnut de Saintonghe propouse imaille. O soune beun saintongheais. Jh'propouse i-andret p'r site internet, bourriel p'r spam, i-riorte p'r lien. Et vouzaut' estamelle de faignassout'?

  • Ordinateur

    En français o s'dit "ordinateur". Mé, coument zou déci en saintongheais?Dan son "Dicciounaére", PIVETEA nous doune "arenjhour, cunputour, ordenatour". Arenjhour m'é d'avis qu'o veu rin déci, oub' o l'é tro restrictif. Cunputour, proche dau mot anglais computer semb'yie pas souner saintongheais, sauf si o s'écri con-pétour, mé o l'é ine aut' chose. P'r nouzaut', o saré putou "ourdinatour". Vout' avis? Disez zou don.